السخانات الغاز
اخطار سخان الغاز وعلمات الخطورة
السخان الغاز
1- يعتبر السخان الغاز من الاجهزه الهامه التي لاغني عنها في المنزل ولاكن له مخاطر كثيره ولابد من الاهتمام به حتي نتفادي الاخطار ونستفيد من المميزات
السخان الغاز ويوجد منه أحجام مختلفة 5&6&10لتر وهذه القدرات لاغير أنها مسميات ترويجية يقال انه كل سعة من هذه الأحجام تقاس بسرعة تدفق المياة في الدقيقة الوحدة يوجد أشكال وأنواع مختلفة ولكن نظرية العمل واحدة وهي عملية تبادل حراري بين لهب النار والمياة تعتمد نظرية العمل على مرور المياة داخل ماسورة بها مصدت للمياة تعمل على إبقاء المياة معرضة للهب النار لأكبر فترة ممكنة حتى تتم عملية التبادل الحراري وتتم عملية تسخين المياة وكما هو معروف كي تتم عملية الأشعال لبد من توفر غاز قابل
مخاطر السخانات الغاز
علامات الخطر فى سخان الغاز كتيرة .. اللىِّ تخليك لازم تفصل الغاز عنه و تتصل بالصيانة فورًا حتى لو كان الوضع ده مستمر بقاله فترة طويلة وإنت مكنتش مهتم .. العلامات دي زي : لهب الإشعال بينطفي فجأة لوحده أثناء التشغيل // ظهور ألوان غير معتادة فى الشعلة زي اللون الأصفر أو البرتقالي بدل الأزرق // تسرب مادة سائلة من فتحة الاشعال // وجود هباب أسود على السخان // زيادة الرطوبة عن المعتاد في الحمامات أثناء استخدام السخان // وجود آثار تدل على حرارة عالية صادرة من السخان على الجدران أو الحوايط .
- حاول تقفل مفتاح الغاز بتاع السخان طالما لا يستخدم .. خصوصًا وقت النوم .. أخطر وقت لحصول حالات التسمم لأن الشخص وهوه نايم مش هيقدر يحس بأي أعراض للاختناق .
- استخدم جهاز " قياس " نسبة غاز أول أكسيد الكربون طالما عندك سخان غاز فى البيت .. الجهاز ممكن ميكونش متوفر بكثرة فى مصر
* ليه تسريب الغاز من السخان خطر ..!؟
لأن الغاز الطبيعي المفروض بيتحول مع الاشعال لغاز ثاني أكسيد الكربون .. لكن لو حصلت أي مشكلة فى السخان .. سواء فى الإشعال أو الصمامات أو التوصيلات .. هتخلي نسبة من الغاز تتسرب بدون ما يحصلها إشعال تام .. والنتيجة تكون قاتل صامت اسمه غاز أول أكسيد الكربون .. وهوه ده بطل الجريمة دي .
* إيه مواصفات غاز أول أكسيد الكربون ..!؟
هو غاز عديم اللون والرائحة .. ودي طبعًا مصيبة فى حد ذاتها .. لأن تسريب غاز البوتجاز العادي يمكن تجنبه لأن ريحته نفاذة وبنقدر نميزها بسهولة .. عكس غاز أول أكسيد الكربون اللىِّ ملوش ريحه ..!!
* ليه الغاز ده خطر ..!؟
لأنه ببساطة بيدخل الجسم ويحل محل الأكسجين .. يعني بدل ما كريات الدم الحمراء تشيل الاكسجين عشان توصله لكل خلايا وأعضاء الجسم .. بيروح " أول أكسيد الكربون " واخد مكان ذرات الأكسجين دي .. والنتيجة إن الجسم بيدخل فى حالة اختناق حتى وهوه وسط الهواء .. لأن ذرات الأكسجين مش قادرة توصل للخلايا بعد ما الغاز أخد مكانها و بيتفسح بدالها فى الجسم كله .. مش بس كده .. الغاز كمان عنده قابلية شديدة للارتباط بالخلايا العضلية للقلب .. يعني برضه بيحل محل الاكسجين وبيسبب فشل فى عضلة القلب .. واللى بيزود من أثار التسمم وبيزيد خطورته .
* إيه أعراض التسمم بغاز أول أكسيد الكربون ..!؟
أعراض التسمم بالغاز بتكون غالبًا مضللة لأنها تشبه أعراض تانية كتيرة خصوصًا على المدى الطويل .. لكن وجود " سخان غاز " فى مكان الحدث لازم يخليك تشك جدًا .. الأعراض دي مختلفة لكن أهمها :
- الصداع // الدوخة (أهم عرضين وأكثرهم انتشارًا)
- الإحساس بالإرهاق والتعب
- خنقة النفس خصوصًا مع المجهود
- ألم فى الصدر وزيادة ضربات القلب
- الاضطراب فى الوعي أو الهلاوس
- الاكتئاب
- الترجيع والاسهال
- اضطرابات فى النظر
- فقدان الوعي
* إزاي تتعامل مع مريض اتعرض للاختناق بالغاز فى مكان الحادث ..!؟
- لازم فورًا تنقل المريض بره المكان اللى فيه الحادث .. وتحاول توفر أفضل قدر من التهوية
- لازم فورًا تنقل المريض للمستشفى لأنه محتاج للأوكسجين أكثر من أي حاجة تانية
* أسلوب علاج المريض فى المستشفى " بشكل مبسط " ..!؟
علاج حالة الاختناق بغاز أول أكسيد الكربون بتعتمد بشكل أساسي على إن المريض ياخد أكسجين بشكل مركز لحد ما نسبة غاز أول أكسيد الكربون فى الدم تقل لنسبة أقل من 10% وهي أعلى نسبة مسموح بيها .. وطبعًا ده بيتم مع متابعة العلامات الحيوية للمريض وأي تغييرات فى القلب والدورة الدموية والأعصاب .. في علاج مهم للحالة ومتوفر فى بعض المستشفيات الكبيرة وهي " غرف الأكسجين المضغوط " .. ودي عبارة على أنابيب كبيرة بينام جواها المريض وبيتم ضخ غاز الأكسجين تحت ضغط كبير عشان يضمن سرعة استبدال كل جزيئات غاز أول أكسيد الكربون من الدم وبسرعة كافية لحماية المريض من مضاعفات حالات التسمم بالغاز " واللى سببها طبعًا نقص الأكسجين اللى بيوصل للدموالاعضاء الهامه بالجسم والصوره التاليه توضح هوايه الحمام التي لابد من تواجدها بالحمام لتجديد الهواء
نصيحه هامه
موضوع الحمام في معظم اابيوت بيتم تصميم الحمام علي انه تربه وبيكون محكم الغلق تمام ولا يوجد به اي تنفيس الا شباك ان وجد ودي طبعا الكارثه الكبري وهي سبب كل حوادث الاختناق التي بتتم اثناء الاستحمام وبتتزايد اكثر بالشتاء وذااك نظرالاستحمام فى الشتاءبالماء الساخن
العادة المرعبة
الناس اللى بتحب الميه السخنه فى الشتا و تطول تحت الدش او فى البانيو اثناء الاستحمام .. لو مش مشغل شفاط فانت بتعرض نفسك للموت المباشر من غير ما تاخد بالك !!!
المشكله الكبيره ان بخار الماء هيملا الحمام بسرعه عاليه و هتتنفسه بدل الاوكسجين .. و طبعا طالما محدش كاتم نفسك مش هتحس بخنقه .. لكن مع استمرار تنفس بخار الماء و نقص تدفق الاوكسجين للمخ و بدون اى مقدمات او احساس باي اختناق هيحصل اغماء مباشر ... و لو محدش حس بيك و كسر الباب عليك و غالبا محدش هياخد باله هيستمر تنفس بخار الماء و نقص الاوكسجين و طبعا الوفاه !!!
فيه مصيبتين كبار بقا عندنا كمصريين ...
الاولى هى ان سخانات الغاز معظمها بيركب فى الحمامات !
و طبعا دى بتشتغل بالإشتعال المباشر و من هنا تستهلك اوكسجين الحمام كله فى دقايق و سيادتك قافل الباب و الشباك و بخار الميه مكثف فاحتمال الوفاه بيزيد ....
و المصيبه التانيه ان معظم الشقق فيها الحمامات مفتوحه على مناور و شبابيكها قدام شبابيك الجيران فلازم هتقفل الشباك وقت الاستحمام فلا بخار ميه هيخرج و لا اوكسجين هيدخل ... فالحل الاساسي يا تشغل شفاط يا تقلل الوقت اللى بتاخده فى الاستحمام....
و لو لحقت نفسك قبل الوفاة فخلايا كثيرة سيتم تدميرها نتيجة نقص الاكسوحين
فيا جماعه خدوا بالكم و متستهتروش و لو عندكم اى حد دخل يستحمى و طول فى الحمام عن تلت ساعه تابعوه اول باول و خبطوا ع الباب ...
ربنا يحفظنا من كل سوء...
المهم الان لازم ناخذ الاحتياطيات اللازمه ونتاكد من وجود الهوايات بالحمام سواء عندك سخان غاز او كهرباء وخصوصا للحمامات محكمه الغلق
مقارنه بين السخان الغاز والسخان الكهربا
بما من الافضل لك ان تعرف مسبقا الفرق بين السخان الكهربائي و السخان الغاز ، حتي لا تتحمل مستقبلا عواقب الاختيار الخاطئ بينهما ؛ فاعرف اولا كل شئ عن نوعية السخان الذي ستقوم بشرائه ، و تأكد بان امكانياته مطابقة للمواصفات التي تبحث عنها
فبالرغم من كون كلا النوعان يقوما بتسخين المياه ، و لكنهما لا يمتلكان نفس الامكانيات و لا يعملان بنفس الميكانيكية ، فهناك اختلاف كبير بينهما ؛ و حتي نساعدك في معرفة ان كان البوتاجاز الكهرباء افضل ام الغاز ، فسيقوم الخبراء بتوضيح اقوي الفروقات بين النوعين
الفرق بين السخان الكهرباء و الغاز
اولا / سعة التخزين
لو كنت تريد جهاز يوفر لك مياه ساخنة طوال اليوم ، فالسخان الغاز هو من يستطيع توفير تلك الامكانية لك ، لانه ليس بمقيد بسعة تخزين محددة ، ففور ما تمر به المياه يتم تسخينها في الحال ؛ و لكن الامر مختلف مع السخان الكهربائي المزود عادة بخزان محدود السعة اللترية ، فمعه لن تجد مياه ساخنة الا بالقدر الموجود به
ثانيا / معدل استهلاك الطاقة
الفرق بين السخان الكهرباء و الغاز ليس في طريقة العمل و حسب ، بل ايضا في نوعية الطاقة المعتمد عليها لتدفئة المياه ، و هذا واضح لنا من اسمهما ؛ و اذا قارنا بين التكلفة الناتجة عن استخدامهما للطاقة ، فسنجد ان الغاز اوفر بكثير ، في حين ان الاخر سيؤدي الي رفع فاتورة الكهرباء بشكل كبير ؛ و لهذا ينصح خبراء صيانة يونيون اير باختيار السخان الغاز ان اردت الحفاظ علي ميزانية المنزل
ثالثا / ضرورة الصيانة الدورية
السخان الغاز سيوفر عليك مصاريف الصيانة الدورية لانه ليس بحاجة لها ؛ فدور الفحص الدوري هو التأكد من ازالة الترسبات التي تتراكم باستمرار داخل خزان المياه ، و هذا الخزان ليس جزءا من الاساس بالسخان الغاز ؛ و لكن لا يمكن نفي وجوده بالسخان الكهرباء ، و لهذا هو من يحتاج لاعمال الصيانة تلك
رابعا / الوقت المستغرق لتسخين المياه
لن تحتاج الي الانتظار طويلا في وجود السخان الغاز في منزلك ، لانه يقوم بتسخين المياه علي الفور لحظة تشغيلك للصنبور ؛ و لكن سيكون عليك الانتظار لبعض الوقت في حين كنت تمتلك سخان كهرباء حتي يقوم اولا بتجهيز المياه المخزنة بداخله ، لكي تجد انت بدورك مياه ساخنة منسابة من الصنبور عند فتحك اياه
و تستطيع الاطلاع علي الفرق بين السخان الكهرباء و الغاز بشكل اكبر اذا تواصلت مع خدمة عملاء مركز صيانة يونيون اير في الوقت الذي تريده ، و هم سيكونوا عند حسن ظنك ولكافه الاعطال والحلول اضغط هنا
ليست هناك تعليقات:
إرسال تعليق